放假嘅時候 撞到學生嘅經驗
我係有好多🤭🤭🤭🤭
每次撞到學生
最興奮永遠都係爸爸媽媽
第一句 永遠都係
喺條街大嗌
：「係X老師呀！」
：「呀仔/呀女 你睇下係邊個！」
：「同老師影張相丫」
但其實企喺隔離嘅bb
好唔想喺街撞到老師🤭
心唸 放假都要撞到老師
係咪老師又要投訴我😂
係咪又要同媽媽傾好耐偈
其實老師都好尷尬
尷尬唔係在於果時做緊咩
而係老師唔知要講咩😳
「Hi 媽媽！」
完。
「bye 媽媽！」
完。
我最爆嘅經驗係
睇戲 個學生exactly坐左喺我後面
聽聽下 聽到把聲咁熟嘅
日日都比呢把聲激唔少🤭
但講緊果時係夜晚10點幾 做咩仲會撞到😳
其次 就係 返深圳 喺酒店 撞到
仲要 明明閂lift門喇
又係有把聲叫住我
然後就係一句
：「真係X老師你呀」
其實我入住呢間酒店已經好偏僻 咁都撞到😳
離開左香港都會撞到架😂
我覺得 我真係好易撞到學生🥰
但下次唔洗咁大聲嗌 老師🤭
我尷尬🤫🤫🤫🤫🤫
Search